Corruption : bas bakwaas ho rahi hai kaam kuch nahi

Mai bahut confused hu kyonki desh me ek naya toofan purane admee ne khada kar diya hai jiska naam hai ann na hazare mera matlab anna hazare se hai anna ne ann ko na kaha diya aur kaha ki jan lokpal bill laao aur corruption bhagao lekin bhaiya ye kachua jalao machhar bhagao wali baat to hai nahi . kyoki ek aur bill pass hoga kanoon pass hoga to kya is se corruption khatam ho jayega . Kya TT bina paise liye RAC confirm kar dega ya daroga bina mutthi garam kiye FIR likh lega aur babu 2 percent par maan jayga. Bill banega kanoon banega aur fir sab dhaak ke teen paaat kya kanoono ki kami hai humare paas CBI,CVC,RTI,ED,COURTS,PIL etc. …. kya nahi hai aur ombudsman jo har state me lok ayukta ke naam se jaane jate hai fir jan lok pal bill ke liye hungama kyo. Mai manta hu ki corruption is waqt desh me ander tak aa chukka hai lekin aap ye bhi to dekhiye ki bazaar waad ne hi bhrastachaar ko bhadawa diya. Le de kar kam karwane ki sanskriti to bazaar ne hi di fir hum kyo ro rahe hai. Mera ek dost jo contractor hai corruption ke is muhim me badh chad kar hissa le raha hai lekin jab tender lena hota hai to gaddi le kar neta ji key aha panhunch jata hai, kya ye bhrastachaar nahi .so agar mombatti jalane se aur bolly wood ke nachniyo ke vande matram gaane se corruption khatam ho jaata to aaj desh me corruption hota hi nahi . Apne desh me sabse jyada deshbhakt army ke logo ko mana jata hai aur aaj kal saare scams me ek do army personnel jaroor aa rahe hai aur sabse sharmnaak ye ki wo note hi nahi ladkiyo par bik jaa rahe hai. Mai nahi kahata ki mombatti mat jalaiye mai bas itna kahata hu le le de kar kaam chalane ka attitude band kariye apne aap sab band ho jayga.kyonki jab aap mombatti jala rahe honge tab kahi check post par truck wala entry pane ke liye sipahi ki muthhi garam kar raha hoga. Desh me bhrtachaar suvidha ban chukka hai aur hum suvidha bhogi. Hume sabse pahale ek dayairaa banana hoga ki corruption hai kya aur uski limit kya hai kya 100 rs ki galat entry karne wala babu aur 2000 cr ki galat entry carne wala Raja ek hi line me aate hai agar haa to fir mombatti bujha kar rakh ligiye power cut me kaam aaygi agat nahi to fir aage bhadhiye aur mashaal jalaiye. Dosto agar corruption bhagana ho to aap bas ye nischay kar le ki hum kisi ko ghoos nahi denge . rahi baat upar ke scams ki to wo to tsunami ki antim lahar hai jo shura kisi check post ke sipahi ki mutthi se hoti hai aur khatam raja ke jeb me hoti hai .is movement ki sabse badi majedaar ye hai ki udyog jagat neb hi chinta jatayi hai corruption ke liye. Aur jaha tak mera manana hai to sarkar me job hi pradushan ayaa uska sabse bada jimmedar udyog jagat hi hai. Ab is andolan ko jakoaro ka jamawada bana diya gaya hai kyonki tawar ki jagah jab nastar leta hai to uski dhaar tez to hoti hai magar war kund ho jata aur mahaj nishni chodhti hai kuch kaat nahi paati.maine to kai jagah face kiya hai ki ghoos de kar non deserving candidates bhi job paa jate hai aur sab maloom hone par bhi sarkaar chup hai . ab to anti corruption ke bare me bolna bhi faishon ban chukka hai waise bata du tushar kapoor bhi anna hazare ko support karte hai aur madhur bhandarkar bhi diya mirza ko bhi chinta hai. Is corruption ke bare me bas yahi kahunga ki aap sudhro desh sudhrega fir na 2g na cwg hoga na kalmadi honge na raja ka raaj hoga